【口水多过浪花】女神邝洁楹爆留学恐怖经历　靠成龙抵抗校园霸凌

仙气女神邝洁楹（Judy）近年人气急升，接广告接到冇停手！日前，她受邀去到郑裕玲（Do姐）主持电台节目的《口水多过浪花》接受访问。她在节目中分享自己曾到美国留学的恐怖经历，想不到身形细细粒的她个胆其实好大！

Judy透露曾在2009年赴美国冷门州份──路易斯安那州（Louisiana）留学。当时，她除了寄宿在黑人家庭外，更成为学校中唯一亚洲面孔，她自爆为免被校园霸凌，唯有使出一招：“一开始我好惊校园Bully（霸凌），因为美国都几严重，𠮶阵时真系会被人打，我呃佢哋我Uncle系Jacky Chan，叫佢哋唔好mess with me（招惹我）。（唔系信呀嘛？）佢哋真系信……佢哋好淳朴，真系信咗我半年。后尾，有一日佢哋话我同你都几熟呀，可唔可以叫你Uncle寄啲签名相过嚟，之后我先醒起原来佢哋信咗我半年，我自己讲完都唔记得。”

另外，Judy更称在大学期间曾遇校园枪击案：“喺西雅图读大学有一年，上紧堂突然开咪宣告隔一条街嘅大学发生咗校园枪击案，叫我哋留喺安全位置，当时真系好惊，见到同学喊晒打畀屋企人，又谂如果佢冲过嚟射杀咁点算……最后成功捉到𠮶个人，但死咗一个人。”Judy留学期间经历如此多恐怖事件，看来她一定成长不少！

点撃下图睇女神更多靓相！