【飞槟吧！男神】大马水著Model用行动证明　多食海鲜身材好？

《飞槟吧！男神》除有男神莫竣名（Louis）及黎学勤（Jeffery）之外，每集亦都会有女嘉宾点缀下，第三集讲到男神要出海捕鱼，当地制片特地揾到水着Model Yumiko相伴。人未到，镜头已集中火力喺Yumiko嘅身材之上……话得系水着Model，只见Yumiko嘅IG真系好多肉。节目中，Yumiko提到自己因为多食海鲜所以身材特别好，虽然成件事都无咩根据，不过见佢IG上载的一系列照片，都似乎想话俾大家听佢上图有几丰满。

买完海鲜，轮到下厨环节，制片又好贴心咁安排曾参加选美嘅李诗琦（Shi Chi）帮手，虽然诗琦深得莫竣名欢心，但最伤心嘅系呢位女士竟然话会拣黎学勤。