【On Call 36小时】Andy谢卓言离巢转战金融界 为跨国公司搞上市
TVB经典医疗剧《On Call 36小时》深夜重播，当年主角马国明、杨怡大受欢迎外，亦成功捧红了一众新人。在剧中饰演外科专科实习医生的“Andy”谢卓言，与嫲嫲罗兰之间的感情打动了不少观众，网民重温时纷纷表示睇到眼湿湿。
事隔8年重温《On Call 36小时》，谢卓言说勾起了不少美好回亿，他感谢监制、导演的指导：“同罗兰姐𠮶几场戏实在太深刻，影后真系影后！佢嘅演技可以带到我好容易入戏，拍𠮶阵我真系当咗罗兰姐系我嫲嫲。排戏𠮶阵，我已经进入咗状态，喊个不停。每次睇返playback，我都会眼湿湿。真系代入左Andy迪迪仔呢个角色！唔想令嫲嫲失望，一定要做个好医生！”
现年34岁的谢卓言于2009年报考第23期无线艺员训练班，及后成为TVB演员，他因出演《On Call 36小时》Andy一角开始为人熟识。在2015年，谢卓言决定离开TVB，结束6年的宾主关系，他直认为生计决定转战金融界：“大家都知做演员嘅收入好唔稳定。同埋拍剧时，时间真系好颠倒，有时候令到自己心情同情绪好唔稳定。真系会令到家人同身边嘅朋友担心，不过我而家回想起都系个成长过程，令自己更坚强。”
至于为何转战金融界，谢卓言指是机缘巧合，再加上在多伦多大学读书时主修经济同政治，趁机可以实践书本上学到的知识：“𠮶阵时我同TVB份合约差唔多完，同时咁啱有个上市project需要用到我。最终同TVB有共识，做金融界就好难抽时间出嚟拍剧，所以最终选择做金融，心态都同做演员一样，要做好自己嘅岗位。不过都要一段时间慢慢适应呢个咁大嘅变化。”
点撃睇更多Andy与嫲嫲的互动：
现时谢卓言主力帮不同公司搞上市集资，2017年曾协助永骏国际（现名为“积木集团”）集资上市：“呢几年同唔同类型嘅公司搞融资。近排因为疫情令到全球嘅经济都唔系好稳定，所以都会影响到我哋呢个行业。希望呢个疫情快啲过，最紧要大家小心身体。”
至于离开TVB转战金融界收入有否大增，谢卓言说暂时不方便透露：“年薪真系唔系好方便透露，近排倾紧几个projects，签咗保密协议，所以唔可以对外透露我嘅薪酬。”
点撃睇更多谢卓言近照：