【踩过界II】王浩信斗秦沛劲重火药味　一场撞车戏拍足成晚

《踩过界II》日前（22/03）进行外景拍摄，戏中王浩信（饰文申侠）与秦沛（饰简绍宏）更有一场街头对恃戏份，短短几句对白之中就充分感受到两师徒之间的火药味，十分震撼！王浩信接受《香港01》时说：“13年前因为一单案而令两师徒分开咗，简绍宏因为咁就唔认我呢个徒弟，不过又因为呢单案而令我哋拉近返个关系，其实今日场戏就系讲架车差啲撞死我...”说到这里，Paul哥就提示王浩信不能透露太多剧情。
哎呀，差少少就知个剧情！

众所周知，秦沛（Paul哥）近年甚少出现在电视圈，但每次出场定必令人看得拍案叫绝。问道有甚么原因吸引他“出山”呢？Paul哥回答：“系监制揾我嘅，可能系因为睇完我喺舞台剧《夺命证人》嘅演出，觉得我适合啦。”更表示可以趁机与老朋友潘志文聚旧。

在剧中的角色是否奸角？Paul哥闻言就反问记者：“你睇得我做好人少咩？真系吖。你唔好大我吖，我又嚟𠮶句嘢㗎啦，哈哈哈。”看来Paul哥都有留意网上的讨论。他续说，剧中的简绍宏较为现实，并不是奸角，而王浩信就补充说：“冇分正定邪，只系喺法律上有唔同立场。”

王浩信今次担正《踩过界II》做男一饰演“文申侠”，可谓是落足心机。他接受访问时，就表示在过去的三个多月中为赶进度，已经是全速开工：“冇一日休息。前日啱啱完成脱水嘅状态，收朝头早6点钟，只系瞓咗三四个钟已经又要起身准备做开工。”监制说：“今次佢戏份好多，之前连续开咗10几日法庭戏，日日都佢又有大量对白，都帮我哋Chur咗10几日㗎。”监制更大赞王浩信够专业：“佢不嬲都好识处理啲戏，点样去修身，其实（咁辛苦修身）都系想娱乐观众，畀啲最好嘅嘢大家。”