【疫日揾食】试业4个月仍未开张　可岚：每日生意目标系$2,000

去年12月尾，可岚与拍档选址在红磡开餐厅，其中一原因，在于餐厅对面三所学校能为舖头带来稳定的生意：“当初我哋改舖头名做‘榕易‧乐堂’，都系想畀啲学生一个开心啲嘅感觉，希望啲时间可以过得快啲，快啲落堂啦！”2020年1月25日，香港政府宣布延长农历新年假期至2月16日；1月31日，教育局宣布全港学校最早于3月2日复课；2月13日，教育局宣布全港学校进一步延迟复课两星期，最早于3月16日复课；2月25日，教育局宣布全港学校再进一步延迟复课，最早于4月20日复课，但确实复课日期有待进一步评估；专访当日为3月10日。榕易‧乐堂：“红磡崇安街23号环海东岸SodaMall商场地下8号舖”

疫巿之下，很多饮食业难以维生，食客锐减，生意额相对也大幅下跌，听起来的确可怕，然而，即使可岚当初以“学生”为主要目标巿场，她受访当日亦未觉太过悲观：“收入就当然一定会有影响㗎喇，但调返转去谂，我觉得都好嘅，有一段时间畀我哋去做好个运作，流畅度呀，又或者系我哋想加嘅嘢都可以加好晒先。”

多元抗疫

可岚除了是歌手、艺人、餐厅老板之外，也是一名咖啡师。专访当日，可岚称她将会在餐厅内售卖意式咖啡，亲自选购个人喜好的咖啡豆，希望可以开拓多一条生意门路：“肺炎期间，大家都努力紧，想舖头可以多元化啲去增加生意，（其实对比开业最初，生意额下降了多少？）其实初初开嘅时候，啲学生已经系开始放假，呢个亦都系一个新嘅商场，所以我都未睇到佢有一个太大嘅波幅，但其实都有上升咗嘅，我用守嚟形容啦，（肺炎对生意不算太大影响？）唔可以话唔算，因为新尝试，其实做多𩠌饭我系从来都未做过，一路交紧学费嘅时候，仲要交喺呢个疫情期间，似乎系一个无底深潭，（你预计咖啡能够为你带来几多生意？）我觉得会为我带嚟乐趣多啲。”

试业4个月

“呢度其实系12月尾开始试业，咁就一路试业试到依家都试紧！”几声苦笑后，可岚继续分享经营劣况：“原本预计系试1个月左右，过埋个农历新年就正式开张。但一新年之后就开始疫情，所以就继续试业，（打算试到几时？）试到疫情过咗，等大家都放心出街先正式做一个靓靓嘅Opening咁。”最初打算待学生返学后，生意可望大幅增加，但试业期间撞正疫巿，学生算盘完全打不响，可岚唯有持著打落门牙和血吞的心态继续做：“其实有谂过真系停业，（未正式开张就停业？）系呀，因为𠮶时真系冇人敢出街，同埋我自己更加担心系同事嘅安全。”虽然到最后可岚和员工商量后决定继续营业，不过上班人数缩、准备的食材缩、营业时间缩，就连目标生意额亦大幅调低：“我哋嘅Target，系$2,000，（每日的营业额是$2,000？）系，（但人工、舖租、食材、成本总共也不止这个数吧？）差不多，原先我哋开店嘅时候，个目标一定唔止呢个数，呢个系我哋打和嘅数。”但可岚透露，上月仍然要掏腰包帮补餐厅的开支。

商演、配音、教唱歌、教冲咖啡、教国语，全是外快

除了是餐厅老板，可岚也是歌手、艺人、咖啡师之外，她的“外快”来源还有配音和教国语，而且是一名单亲妈妈：“所以时间上分配系好困难，（这些工作的收入比餐厅好吧？）暂时都系，（为什么仍打算要坚持？）都系一份热诚。原本我去做糖水，都系想为我个仔留一点味道，有时我做嘢太忙，冇乜时间可以陪到佢，都会好内疚，冇乜几可煮到餐饭畀个仔食。我系一个单亲妈妈，向现实低头我已经好忙，冇时间陪到佢，但我都有啲嘢畀佢记得，一啲系妈妈畀佢嘅嘢。”

Eugene，我得一个人，得一对手，其实我真系好爱你，但我唔知道点可以话畀你知妈咪点爱你，或者可能因为你细个，你未明白，但我都尽我可能做所有嘢。或者你唔明点解妈咪喺见到你𠮶仅有嘅时间都要系咁话你，因为我好想你大个仔，真系可以识得照顾你自己，我好惊我有一日会唔喺度。

可岚好多时都亲力亲为：

可岚不时都会喺IG放闪：