【星级日日瘦】崔碧珈进行21日断食减肥：一天空腹23小时

崔碧珈（Anita）近年转向欧美市场发展，佢为咗保持完美身段拍戏，除咗努力做GYM，仲不停试唔同减肥方法。去年初佢用“生酮饮食法”，日日食高脂肪超低碳水化合物嘅食物，成功喺一个月内减去15磅﹗最近佢又进阶试行断食减肥法﹗

Anita喺IG上载喺健身室嘅自拍照留言话：“为了下一个的拍摄期，开始了间竭性断食，一天吃一餐，可以吃到饱，即系一天里有23小时是空腹，1小时是进食窗口，令血糖更稳定容易达到减重效果。今日系第2日，会维持21日，咁样应该会悭返唔少买𩠌钱，哈哈﹗喔，对了今日好乖，上完跳舞堂仲走去做咗三个钟头gym，脚仔都软埋。#腹肌不见了#腹肌埋藏在太深处#主要系想见返自己条马甲线。”

一日23个钟都要空腹，听到都觉得好困难。但留意睇睇ANITA 帖文，会见到 #keto 即系生酮饮食法Hashtag，原来一日一餐断食法，系外国好流行嘅减肥方法，缩写为OMAD，来自One Meal A Day。一日23：1，其中23小时间歇性断食辟谷疗法，只用1个小时食嘢。Anita本身有跟“生酮饮食法”，相信佢系基于呢个方法，喺每日𠮶一小时进食低碳生酮节食法，从而达至减肥目标。不过呢个方法要有既定理解下先好进行，大家唔好自己乱试呀。