梁凯宁IG突破五万追踪者：粉丝寄俾我嘅信同礼物全部都保存

历年来唔少新闻主播，离开工作多年岗位跳出嚟，都有更好发展。前无线新闻主播梁凯宁（Maggie），任职六年期间已经被封新闻女神人气高企，去年9月离职无线后转型做主持，人气再上一层楼，呢日佢仲撰文分享IG突破五万粉丝：“粉丝寄俾我嘅信同礼物，我全部都保存到而家。”

梁凯宁呢日上载多张相片留言话：“5𝟎𝐤 𝐅𝐨𝐥𝐥𝐨𝐰𝐞𝐫𝐬，我知道呢个数字对好多人嚟讲都唔算多，但我都想借机会多谢一路以嚟支持我嘅朋友。我一直都好珍惜粉丝对我嘅宠爱，六年做新闻主播及记者嘅生涯入面，粉丝寄俾我嘅信同礼物，我全部都保存到而家。粉丝来自五湖四海，有本港、有海外、有基层、有专业人士、有小朋友、有长者、有残障人士、更有来自狱中的朋友。”

6年累积落嚟嘅信同礼物堆积如山，但梁凯宁真系一封封睇仲记喺心：“最感动嘅系有位用轮椅代步嘅朋友话我听，每日喺《香港早晨》见到我报新闻同天气报告，就系佢嘅精神食粮，睇完我就会成个人开心哂，会充满正能量咁努力活下去。我从来冇谂过原来做主播都可以用呢种形式帮人打气，帮到有需要嘅人﹗”佢仲提提大家唔好再寄信去TVB，要寄到开电视自己先收到呀。