【新冠肺炎】李佳芯计划书展推出散文集：绝对唔会系写真集

李佳芯（Ali）今天（4日）到社区出席派发口罩活动，Ali笑言已经很久没有出席公开活动：“我好似新年之后就冇出席过公开活动。呢段时间又咁啱冇剧拍，唔系开工开得咁密都算好彩，因为曾经我试过唔够口罩，所以大部时间都留喺屋企比较多。”

Ali这段时间留在家中，有什么可做的事情呢？她说太多了，不过重点是由地狱厨神变成煮食能手，“每一日都过得好充实，我发觉呢个几月由唔识煮饭变到识煮饭。我直程系三𩠌一汤完全难唔到我，我乜都识煮啦依家。只要我上网揾食谱或者我谂到食咩我都会去煮，仲要煮完唔错。（屋企人同男朋友有咩意见？）佢哋都试过啦，都食晒。同埋我煮饭唔系最叻，整甜品先最叻，整炖蛋，我依家出街食糖水话唔食炖蛋啦，因为我整仲好食。”

除了煮食变厉害了，这段时间Ali一直在家中写书，准备今年书展出书，她透露大概会是一本散文集：“呢个系自己心愿，以前成日同自己讲，我30岁后要写书，因为30岁会觉得有人生经历，但30岁前又觉得我好细个。依家发觉时间合适啦，同埋难得有呢段时可以畀我做一路想做嘅事。绝对唔会系写真集，我怕会冇人买。”