【财政预算案2020】汪明荃赞政府派钱措施：早的俾钱会更加开心

财政司司长陈茂波今日（26日）发表新一份《财政预算案》，其中一项最让市民留意的一定是包括向所有18岁或以上的香港永久性居民派发1万元现金。圈中一班艺人也有留意相关的新闻，对政府这次派发一万元觉得挺好。

吴若希表示是高兴的事情：“如果一万元会系呢段时间到手当然好事，有一万元紧系好过冇。都开心，但系安排上可唔可以有机会快啲拎到呢？我未话到好急用呢笔钱，但急用呢笔钱嘅人要等到出年，可能已经等到唔急用啦。所以呢件事我觉得可以睇下有冇更好方法。”

余德丞直言：“政府话今次系防疫就俾一万元我哋，但呢段时间香港市民都要四出揾口罩或者酒精搓手液等。其实有一万元当然绝对系好事，但长远问题先系要解决，不论对医护装备够唔够等等，呢啲先系要目前去解决。一万元系短期方案，长期仲未解决到。”

王君馨笑言这消息是老公第一时间告诉她：“老公话佢冇份，但佢觉得两公婆可以一齐分。不过我觉得帮补下点都系好，但如果系基层啲家庭或者年长少少嘅老人家，早啲派畀佢哋会好啲。可以安排好有需要嘅人拎先咁会好好。”

森美觉得这是一件好事情，他说：“抗疫时间大家都好辛苦，算系派糖，喺屋企里面都开心一阵。（但最快要出年先拎，会觉得迟？）其实都冇乜所谓，一万元都已经唔系拎嚟应急。象征式系疫情中同大家打下气啦，如果好等洗就冇办法，咁当下心灵上嘅慰藉。”

汪明荃一向很关心社会，对于这件事她说：“每个人有钱拎咁实会开心，但如果可以快啲俾佢哋就好啦。你话疫情呢段时间大家少收入或冇收入，确实财政系有压力，可以早啲俾会更加开心啦。呢段时间好多人都做紧事，社福界、商界等都有帮基层，譬如话买口罩畀佢哋。”