【今日疫情】宠物都要抗疫？　兽医教路点帮狗只清洁：可用苹果醋

 武汉肺炎疫情持续，唔少主人都担心家中主子会中招，甚至带同爱宠出外散步也要为其带上口罩，到底宠物会否染上肺炎？《今日疫情》嘅嘉宾注册兽医陈天欣就指出目前并没有案例证明毛孩会被武汉肺炎感染。“喺猫狗身上最常见嘅病毒系第一型，而非第二型。”她又指出如果带宠物出街后，可以1比1嘅苹果醋去帮宠物进行清洁。“如果宠物唔太钟意呢个味道，可以再搞稀啲，又或者用湿纸巾帮助。”

至于家中清洁的话，注册兽医建议用1比99或1比49比例嘅漂白水，但清洁前要先将宠物安置嘅房间，并在清洁后再用清水洗两至三次。另外，有网民问到如果主人被送到隔离营的话，宠物该如何安置，注册兽医表示：“渔农署会可安排狗只隔离，入面会有兽医做检测，亦有机会拎样本去化验，如果狗仔完全健康无问题，主人亦都系健康，就可以接返屋企。另外，如果狗仔交比朋友／亲人照顾，而呢段时候狗仔需要睇医生的话，我都建议大家要向医生申报主人嘅情况。”