【武汉肺炎】乔宝宝从印度偷运口罩　成本五毫子一个：成个箧都系

乔宝宝今日（21/2）现身电台出席节目访问。提到最近与印度餐厅老板友人自发性派发口罩给街坊应急，被网友大赞爱心爆，乔宝宝坦言：“我哋做咗呢件事，其实呢啲事系政府应该做，希望政府系啲弱势社群长者𠮶度，应该做多啲派口罩嘅工作，我觉得澳门当局做得好好，每星期都会向每位长者派发7个口罩，我觉得呢个方案唔错，呢啲唔系我哋啲市民去做，我觉得政府应该可以做好啲。”

乔宝宝晒出他在当地搜购的口罩：

乔宝宝透露早前从印度购买的口罩价钱只需要港币五亳一个：“我买呢个价钱已经系炒价，如果唔系炒价只系两毫子一个，之前印度政府都唔准口罩出口，我试过拖住两个行李箱离境印度返香港，我个行李箱八成都系口罩，数量都成千个，过境时都怕佢哋发现，不过最终顺利返到香港，将啲口罩派畀啲有需要嘅人。”