森美父母仍未进行检测 ：阿爸话有乘客真系会开咗房门周围走

撰文： 邝钰莹
出版：更新：

停泊在日本横滨的钻石公主号邮轮，首批乘客在当地时间2月19日早上下船，先后次序由船公司与乘客商谈决定，目前下船的主要为高龄者。至于其他乘客，若居住同房间的人确诊感染，即使自身检查呈阴性，亦需要在船上另一房间接受隔离14天，才能下船。

森美父母因未进行检测，所以仍被困钻石公主号邮轮。（影片截图）

而森美的父母，由于仍未进行检测，所以目前仍在船上嘅客房中进行自我隔离。今日他在电台《早霸王》中交代父母情况，他说：“据我父母所讲，检测应该系因为由80岁开始验，所以佢哋比身边几个朋友都迟验，身边朋友5、6个，有样嘢好彩系佢身边朋友都无事,咁我都就安啲。”
 

森美话因为用得太多酒精搓手液，所以搞到手指裂咗，要改用手套保护自己，更呼吁大家唔好去抢手套。（影片截图）

他称船上港人对情况掌握不多，主要是靠香港新闻才得知，同时他亦为父母澄清：“阿妈同我讲‘阿仔我哋冇话唔返香港，冇话唔肯隔离’，我话我哋冇咁讲，我都想你哋返嚟隔离。”森美表示根据父母嘅资料所得，通过检测后亦可选择唔跟随包机回港：“实际得唔得我系唔知，因为而家做任何决定都不太理智，有太多unknown、变数太多。我同阿爸讲佢哋隔系好事，佢都话会去，仲同我讲‘你唔使惊，你话返比啲人听’不过其实收线前，阿爸有话‘无咩嘢你唔好再讲我哋啦’，我话因为好多人都关心船上嘅情况。
 

森美话钻石公主号邮轮上有人喺隔离期间，依然离开房间周围走。（影片截图）

对于各船上乘客虽然有隔离，但仍不断有人确诊，森美亦有向父母打听，结果其父表示有不少人隔离时会离开房间周围走：“阿爸话真系有人开咗房门周围走，点解呢? 譬如我同Marco一齐去, 但唔同房，有时会走到邻房倾计，我问佢哋有无，佢话无，仲吩咐我一定要同佢向大家讲返。”森美森美表示曾与医院讨论，得知检测方式不是百分百准确，故叮嘱能够登机回港的朋友要小心，飞机上尽量做好安全保护：“唔好以为自己检测咗冇事，大家飞机上唔好除口罩倾偈，我都叫爸爸妈妈如果上机唔好食嘢，去厕所要洗手清洁干净。”