森美父母被困钻石公主号　称情况唔乐观：唔知传染源头喺边好担心

“钻石公主号”邮轮日前再多再多99人确诊，森美父母亦被困于船上，他早前在电台节目《早霸王》开咪时，提到自己嘅心情由最初嘅安心到近日开始十分担心，事关日前他录制抗疫节目时，同场医生们对病毒都有不同睇法，好多嘢都系靠估，有医生亦指出冠状病毒潜伏期虽然有14日，但一般4至5日会见到病征。“我父母由4号开始隔离，到而家已经12日，加上佢哋唔系走来走去，所以都安心。我之前都系问父母都唔系好细仔，净系问有冇事、闷唔闷。”

直到日前森美得知确诊个案中有70个系无病征时，令他感到十分担心，因为传染源头是甚么，他又指美国公民返关岛时，都有十几位是有确诊而回国隔离，而他从新闻得知香港安排应该是如果被确诊便不能回港，亲密接触者也不能回港，他说：“所有资讯都系我睇新闻，唔系由我父母𠮶边得知，因为其实船上资讯系零，几日有一封船长的信，但船上确诊人数几多系唔知，有几多香港人亦都唔知，有时我将香港新闻Whatsapp佢哋，佢哋都话唔知，好彩而家资讯发达，不过都会有啲担心，好似唔乐观，可以潜伏十几日。”

森美日前录制节目时，不少医生都向他提供资讯。“我有叫妈咪冲凉时用湿毛巾封下渠位，平日又要倒水落去，因为系中央冷气出风，而家都叫父母喺房中戴口罩。初时职员送餐系打开咁送，但咁表示会接触到空气或飞沫，反映之后已经放入盒，水就无问题，系樽装水，但就叫佢哋唔好同职员交谈，因为之前有检疫人员都确诊，餐具真系要用水煲滚一滚，唔好就咁洗就算。”

他指父母的测试报告仍未出，预计要两日时间，希望一切无事。小仪提到船上有乘客表示不想返港后仍要被隔离14日，森美表示父母亦觉得隔离14日十分辛苦，但森美指出：“我想佢哋快啲离开只船，因为咁系离开个源头，记者问想唔想团聚，我最重要系佢哋健康。”他之后解释船上嘅香港人系通过测试才获准上机离开。““作为仔，唔系我不孝，我情愿佢哋返港后入隔离营，因为地球很危险，我想保护你，佢哋入住隔离营我会心安啲，因为𠮶度安全，佢哋又测试咗无事，我讲完之后妈咪话认同，但暂时未知结果，因为佢嘅报告仲未有。