【今日疫情】菲佣姐姐无法返港点算好？ 专业人士：协议放无薪期
撰文： 邝钰莹
出版：更新：
菲律宾本月初宣布禁止菲律宾民众前往中国，当中包括香港、澳门，令大量菲佣无法来港，唔少香港雇主都即时陷入崩溃状态。最新一集《今日疫情》就住呢个问题，请来香港雇佣同业协会代表刘丽斯以及感染及传染病专科医生曾祈殷，同大家讲解下雇主喺非常时期要留意嘅事项。
刘丽斯指出在港工作嘅工人姐姐，未必会有时间成日留意防疫资讯，就算系使用手机，多数都系用嚟同屋企人沟通，所以雇主最好要密切咁同姐姐沟通，好让对方知道更多防疫资讯，最好亦都要教工人姐姐如何正确地使用以及处理口罩。提到姐姐放假问题，刘丽斯表示：“法例规定姐姐一定要放假，但唔一定要出外，亦有姐姐会担心放假留喺屋企要做嘢，身为雇主可以同姐姐沟通，如果佢放假而又愿意帮手，可以计返钱俾佢又或者系累积假期。”提到有在职姐姐，受禁令影响而返唔到香港，刘丽斯表示：“双方可以协意放无薪假期，因为唔知禁令去到几时。”