【后生仔倾吓偈】高质新血KOL私相全面睇　边个惨遭戴祖仪话蠢？

J2台节目《#后生仔倾吓偈》每隔一排就会加入新血，除现任主持陆浩明同冯盈盈之外，去年底宣布加入林颖彤、戴祖仪及黄美棋三位。而为加强气氛，每集都会有一大班大学生KOL一齐倾吓偈，而呢批后生仔唔经唔觉已经去到“3.0”系列，当中最年轻𠮶位更只得19岁。

游嘉欣19岁嘅游嘉欣（Kayan）乃学生一名，就读城市大学嘅管理学系。去年被Big Big Channel睇中之后，以KOL身份入行，除咗做过《电竞王》、《跨跨跨世代》、《天天开运王》嘅嘉宾之外，亦因为外表同何雁诗有几份相似，所以获邀做其MV《我会想念他》女主角。上星期佢现身《#后生仔倾吓偈》时，就即被曾经合作过嘅戴祖仪mean评为“蠢”，戴祖仪表示：“有次录VO，佢只系需要叫救命，但录咗3、40次都唔得，导演最后话算啦。”虽然游嘉欣连“救命”都嗌得唔好，但近日佢已获安排于罗天宇、龚嘉欣、王敏奕嘅新剧《香港爱情故事》演出，都算多发展机会。

吕静文同样系00后、只得19嘅吕静文(Bonnie)，现于香港专上学院就读酒店管理课程。或者系因为无咩拍摄经验，所以Boonie喺节目中都唔系好好表达自己，就算系被一众主持评为“公主病”、“扮天真”亦照单全收，甚至解释自觉有公主病系因为“唔识煮饭”……睇嚟Bonnie真系要好好练习下应对能力啦。

黄芷欣 23岁嘅黄芷欣毕业于理工大学嘅设计系。去年成为Big Big Channel　KOL嘅佢，曾担任过《Think Big天地》、《电竞王》节目嘉宾。虽然IG有唔少同男友嘅甜蜜照片，但黄芷欣喺《后生仔》中，就话自己感情状况系“O2A”，即系“有男朋友但唔介意识多啲新朋友”，呢位后生仔嘅态度又几特别㖞……

刘颂鹏新血中，唯一嘅男仔刘颂鹏(Enson)，毕业于香港专业教育学院广告课程。早前以模特儿身份入行，曾接拍过电影青春战记》以及《青春战记2之来得及再爱妳》，去年喺金像奖上，系32位年青演员主持之一。此外，Enson去年亦有参加《全民造星》。