【武汉肺炎】周子扬北上发展应酬硬食野味：狗肉同蜥蜴我都见过

香港现时受疫症影响“一罩难求”，周子扬眼见市面供不应求，今日（17/2）下午现身西湾河向市民派发消毒搓手液及口罩，为市民解燃眉之急：“呢几年我都喺内地发展，知道武汉𠮶边好多人受到感染，当知道呢个病毒嚟到香港，于是自发性联络一啲商界嘅朋友，去筹备今次呢个派发行动，呢次行动我哋会派总数二千五百个口罩及五百樽消毒搓手液，大慨会有一千名市民受惠，每名排队人士可以二选一。”

提到2015底约满无线后北上发展赚人仔，少不免要应酬食饭打好关系，子扬坦言内地饮食文化喜欢食野味：“其实喺内地，当地人喜欢食啲奇奇怪怪嘅嘢，例如狗肉及蜥蜴，我都见过，讲真自己真系唔敢食，但有时都避免唔到都要硬食，试过食炸蜥蜴，因为做呢行真系避免唔到，不过宜家真系惊到连蛇我都唔敢食，惟有尽量避开唔食唔系家禽类嘅食物。”