邓炳强与明星足球队饭局影片流出　一哥：我做警察系学成龙方中信

今日网上流出一条影片，警务处处长邓炳强联同晨曦足球队和明星足球队齐齐食饭，席上邓炳强更上台发言，台下艺人包括有成龙、曾志伟、谭咏麟、方中信、卢惠光、林国斌等人。

邓炳强指：“首先多谢晨曦同明星足球队同我哋踢波食饭，同埋多谢警队兄弟，因为佢哋真系好撑我。另外今日我好兴奋，因为我见到好多偶像，由成龙大哥到Alan（谭咏麟）到志伟到阿Ben，全部都系我偶像，所以我心跳得好紧张。其实点解我区议会讲嘢咁叻呢，因为就系听志伟《开心字典》，其实我做警察呢系学成龙大哥同方中信，全部学你哋，我唔知点做警察，睇睇吓就识做。另外今日我其实好憎你（指谭咏麟），因为我老婆钟意你多啲，无办法，我都钟意你。今日真系好多谢踢波嘅朋友同埋演艺嘅朋友，其实大家系老友，全部在心中唔使讲嘢，只要你哋畀个手指公我哋，赴汤蹈火在所不辞。”

点击睇吓有咩名人喇！

谢振中与谭咏麟合唱《再见亦是泪》 两人互望合唱好有默契

【武汉肺炎】罗钧满佩戴CSI口罩 网民质疑来源：佢点得嚟？

成员大哥也有份在台上发言，更叫大家一起上台唱《朋友》，他说：“不管我们是哪一个阶级、哪一层，我们都是朋友。”

《香港01》致电有份出席饭局的卫志豪了解，不过他表示正在开工要晚点才能回复。