【大酱园】江嘉敏唔怕蚀底　惨被张国强“咸猪手”：系角色需要嘛

TVB民初剧集《大酱园》正在热播，在剧中饰演奸角细么的龚嘉欣同饰演千金小姐高双双的江嘉敏（Kaman），一个心狠手辣，一个就拥有天使心，吸引不少观众关注。双双与卓楠（黄嘉乐饰）情投意合，但在昨晚（11日）播出的一集中，双双竟然被曹督军（张国强饰）“咸猪手”，不但摸手摸脚，更有一幕是摸Pat Pat，不少网民都觉得Kaman蚀底晒！

剧情讲到曹督军一直钟情双双，一见到双双就即刻搭晒膊头，更乘机上下其手，甚至伸出“咸猪手”，右手摸完双双Pat Pat再用左手摸，并讲道：“佢啲肉都好弹手，冇事呀。”之后再以探热为名，同双双面贴面、头碰头，揽到双双实一实！虽然双双非常不情愿，但由于曹督军是哥哥高专员（袁文杰饰）的上司，就算委屈都只能哑忍。不过不少观众看完这幕后都眼火爆，戥Kaman唔抵！

点击下图重温剧情：

对于被张国强（KK）又摸又揽，Kaman在接受《香港01》访问时就表示不会太介意：“系亲身上阵，真材实料㗎。（咁摸Pat Pat有冇垫pad呀？）垫pad都冇用㗎，咪又系咁摸。不过同前辈KK合作都几舒服，佢知我系女仔，所以拍之前都倾好晒会点摸，叫我有唔舒服就出声。（会唔会觉得蚀底？）睇你点谂啦，摸我嘅人系角色需要嘛，又唔系个演员本身话要摸，所以都ok嘅，冇hard feeling。大家都系为观众睇得肉紧而努力演出，观众咁戥我唔抵，咁即系我哋都做得好啦。”

Kaman为了拍剧豁出去，但原来之后有更大牺牲：“之后仲有一场再埋身啲㗎，我同KK共处一室。（被高专员出卖？）就系我同KK要做得咁入肉，先显得高专员佢嘅真实个性。”剧中双双一直视哥哥高专员为正人君子，为人光明磊落、行为端正，但其实他是一个为求目的不择手段、三刀两面的人，甚至暗杀曹督军的儿子冒领功劳。而双双与卓楠的感情发展亦备受关注，不过Kaman就透露两人感情有阻滞：“我发觉监制同编剧们都好钟意我同嘉乐做苦命鸳鸯，成日要上刀山下火海，又要面临死亡，分离，永远唔可以好好咁样相爱，我同嘉乐真系爱得唔简单。”