杨柳青拍亲热戏外籍男友唔高兴：佢话最好唔好畀佢睇到
撰文： 吴子生
出版：更新：
杨柳青（Wiyona）今日（11/2）现身电视城出席无线剧集《法证先锋IV》宣传造势活动。Wiyona在剧中饰演一位执法人员，作为武打演员的她以为自可以一展身手，最后因为自己“雪藏牌”太耐冇揸车经验，而导致该场武打场口取消，大叹可惜：“因为个场戏讲我一边揸车，一边同个罪犯系架车上角力，本身自己系有车牌，但我就好耐冇揸过车，就系因为咁，剧组佢哋可能因为安全问题，最后都改动咗。”
提到早前Wiyona与加拿大籍男友被拍到在露天餐厅拍拖谈心，期间二人更情不自禁烟韧起来，温馨洋溢羡煞旁人。Wiyona笑言：“其实我哋啱啱一齐冇耐，所以先咁烟韧啫，哈哈，你试下再过多几年之后再问下我，哈哈讲笑，大家而家感情都好稳定。”Wiyona透露男友其实唔多钟意她拍亲热戏，仲讲到明不想见到：“我有同佢解释作为一个专业嘅演员，拍亲热戏系在所难免，最后佢都明白，但佢就讲最好唔好畀佢睇到。”至于男友做咩职业，Wiyona表示男友不想公开自己的职业，因此无法话畀大家知，亦尊重男友决定。