【今日疫情】家长抗疫注意事项　李家仁医生：BB戴口罩好危险

武汉肺炎疫情持续升温，喺口罩难求嘅情况下，政府仍然未有有确实稳定供应措施。网上早前流传一张手抱BB戴口罩嘅照片，到底手抱BB是否真有需要戴口罩呢?儿科专科医生李家仁医生作客最新一集《今日疫情》就话BB戴口罩有一定危险程度：“细过三个月其实好危险，因为唔识拉开啲嘢，如果突然呕，口罩湿咗，贴住块面会窒息，所以唔好以为好细嘅BB有口罩就系安全。”

李家仁医生亦提到如果家长有小朋友或婴儿的话，家长除要勤洗手之外，就连水晶甲、手表等饰物亦最好唔好有。“毛公仔因为好难清洁，所以最好先收起来。另外，亦都要教小朋友要有自己嘅餐具，唔好几个小朋友大家互相用，个人物品分开系好紧要。”有网民问到一岁婴儿近半个月未有外出，会否影响其发育，李家仁医生表示小朋友有得食有得瞓已经好满足。“有家长带小朋友去行山或沙滩，如果沙滩塞满人，咁咪仲危险。”