【武汉肺炎】姚子羚感激印佣帮忙买口罩：佢好到拣放假𠮶日去排队

今日（5/2）姚子羚（Elaine）出席TVB剧集《黄金有罪》的宣传活动，剧集在香港及内地都获得很高的收视和评价，Elaine非常开心：“听到身边啲朋友话畀我听有睇，好好睇，其中一个系陆浩明。最开心见到大家钟意套剧，同我哋讲晚晚追。”

姚子羚在剧中以“眼镜娘”造型示人，网民like爆之余，同时亦有助防疫：“我有时都会戴眼镜，可以防飞沬，返到屋企要用消毒水抹干净。但做嘢都要戴返contact lens，平时外出会戴眼镜。”在“一罩难求”的情况下，Elaine感恩有足够口罩存货，更感谢家中的印佣：“我有个好好嘅印尼姐姐，佢有方法帮我揾到口罩，帮我出去排队买返嚟，亦系一个reasonable嘅价钱。佢会关心我身边嘅人，问下大家有冇需要，佢好到拣自己放假𠮶日去排队，好感恩。有一至两个月嘅存货就够，有多嘅就分享畀其他有需要嘅人。”

经常戴口罩，不少人都会有面部生粒粒的问题，Elaine建议少化妆，让皮肤有足够休息：“返到屋企除口罩，尽量缩短戴口罩嘅时间，唔好化咁多妆，等皮肤通爽啲。”