【武汉肺炎】杨秀惠购入透光口罩　李施嬅不禁问：边类手术会用？

武汉肺炎疫情持续，全城疯抢口罩，只要写住“口罩”两字大家就争住购买，已经有网购口罩骗案超过千人受骗。除咗收钱失踪无货，就算有货都可能质量成疑，杨秀惠呢日就喺IG表示中伏，佢接受《香港01》访问时表示：“朋友帮手喺网上揾代购买，$200一盒﹗”

杨秀惠于IG上载几张相片，留言话：“买到薄过纸的口罩，完全透光，大家买口罩时要留意。”佢接受《香港01》访问时表示：“朋友帮手喺网上揾代购买，$200一盒（50个），我买咗2盒即400蚊﹗表明系三层嘅Surgical mask，到咗之后打开嚟睇，发现根本只得一层﹗”

见到杨秀惠拎住嘅口罩即使重叠都依然可以透光，另一张相放口罩喺盒面，盒上“FACE MASK”字样清晰可见，难怪有网友笑言系：“好性感嘅口罩。”李施嬅都留言问：“The box says Surgical ???? wonder what type of surgery.（盒上写外科用？想知是那类手术会用。）”