【武汉肺炎】亚视计划派20万个口罩　林文龙：香港搞到咁都几难堪

刚刚上任亚洲心动娱副总裁的林文龙及亚视控股董事会主席邓俊杰，今日大年初七（31/1）率领一众亚姐和高层，在亚视大埔总台举行新春团拜。全程戴口罩的林文龙在台上致词时，便指自己希望台前幕后团结做出成绩，又指豪掷了六位数字派开工利市：“公司嚟紧会有全新面貌，Office会重新装修，估计会用三至四个月时间，暂时同事会先Home office，到六月28日就会正式公布一连串嘅新计划。（新面貌包括裁员？）会视乎工作能力同工种而定，但只要系人才我哋都会吸纳，裁员唔系第一考虑。（会花几多预算做装修？）未有一个Budget，依家仲睇紧设计图。”

有份出席的人士都戴上口罩，好乖：

提到武汉肺炎疫情持续，林文龙坦言工作有受影响，但期望大家团结面对：“今年新年气氛都唔同晒，只要做好基本防御，任何困难都可以冲破。我哋都尽少少绵力去帮内地同胞，知道香港人缺乏口罩，赖主席（亚视非执行董事兼联席主席赖彩云）都扑咗20万个返嚟，会派畀有需要嘅香港人，亚视员工当然亦系香港人啦。”

在个人方面，林文龙指自己已取消所有拜年活动：“净系返咗屋企拜年，之后留喺屋企，陪屋企人。我今朝喺花园晒自己晒咗两个钟，食个早餐，谂下未来嘅工作。”又大赞老婆郭可盈细心，一早买定口罩、消毒用品：“佢好早就入咗啲货，所以唔使担心。希望疫情快啲解决，香港同亚视都可以焕然一新，吸一口新鲜空气系基本，搞到今日咁都几难堪，祝香港早日康复。”