俄仔Ansheles忙到冇时间帮ViuTV拍节目：一个人喺香港好辛苦！
撰文： 邝钰莹
出版：更新：
俄仔Ansheles自从打入香港市场后，工作以综艺节目及代言广告为主，去年出新歌之余，亦成立自家潮流品牌EARON，搞到近乎绝迹幕前。日前佢接受《香港01》访问时，透露确系因为太忙所以少咗接拍ViuTV节目，但并不担心会影响人气。“其实去年我拍咗一个俄罗斯节目，同法国节目，都唔知点解佢哋会揾我，成件事都好癫。”
衣锦还乡 获邀任俄罗斯节目嘉宾见到偶像
俄仔口中嘅法国真人骚，原来系2011年开播至今嘅真人骚《Les Anges》， Snoop Dogg、Britney Spears都有出演过，俄仔有幸获邀参与演出，摄制队更来港拍摄，难怪佢会话开心到癫。“个节目做咗11季，最新一季喺香港拍咗几个月，佢哋揾我系负责教一个外国艺人点做香港嘅主持。”
除了《Les Anges》之外，俄仔原来亦获俄罗斯电视台邀请，担任知名主持人Elena Letuchaya嘅嘉宾，他说：“个电视台由细睇到大，主持人亦都系我偶像，哈哈，所以真系好开心，估唔到真系可以上到俄罗斯嘅节目。”能够做国际节目嘅嘉宾虽然开心，不过俄仔亦坦言只身留港发展十分辛苦。“一个人喺香港真系好辛苦，因为今日唔知听日事嘛，但无论点我都会继续留喺香港。”