【武汉肺炎】周柏豪为囡囡做足防疫措施　考虑搭飞机后自我隔离

周柏豪大年初二（26日）参与无线节目《金鼠迎春接万福》，有女万事足的柏豪，谈到现时事事都以BB为先；电话长期处于低电量的状态亦没有去充电：“一个钟帮囡囡换两次片，根本唔得闲揿电话，于是长期冇电都由得佢。（亲力亲为照顾BB？）由Day1开始到而家都系，呢个系责任嚟，希望BB健康开心成长。”

近来武汉肺炎肆虐，周柏豪说自己会做好消毒与戴口罩等防疫措施：“而家大家见到我冇系因为要做嘢、冇办法，但系好开心见到幕后100%嘅同事、手足都带紧口罩。”柏豪和太太亦谈好今年农历新年不去大型团拜：“可能细细地几个亲戚嚟屋企见下BB，尽可能都唔会畀佢哋抱BB，佢哋都好识做唔会自己抱。”为保护BB，柏豪又会定时为BB探热：“BB唔出街、唔会带佢周围走，亦都唔会同佢太过近、成日哄佢锡佢。（会忍唔住？）以前一日锡十啖，而家一日锡一啖！”

周柏豪不时都需要到外地工作，问到会否因为疫情而减少这类工作，他说：“有时唔系自己决定减唔减少，而系好多活动都会因此而改期、甚至取消；愈多人聚集嘅地方传染机会就愈高，减少传染机会（取消）都系必要，都冇办法。”周柏豪下星期亦需要乘飞机到马来西亚和新加坡工作：“都会做足保护自己嘅措施。”柏豪又说现在回家之前都会用酒精消毒：“我有同太太商量，搭完飞机返嚟要唔要自我隔离几日，睇下有冇事先再返屋企。”