【白色强人】视帝马国明豪气请庆功：见人少少我请咗先

马国明凭住剧集《白色强人》夺得无线《万千星辉颁奖典礼2019》最佳男主角奖项，该剧亦夺得《最佳剧集》，身为视帝的马明就请大家食饭庆功。他笑言：“今晚系我请嘅，见人少少就我请咗先，啲劲嘢就等安仔 (郭晋安)佢嚟。大家拍得咁辛苦，系应该慰劳下嘅。今日珍姐又宣布咗开拍续集呢个好消息，真系好开心。(知唔知系咪原班人马？）应该会系原班人马，再加入一啲新角色，故事会系延续落去。”

马明估计续集将会于年尾开拍：“上集咁成功系因为资料搜集做得好好，所以续集都要畀多啲时间去筹备，要写好剧本先拍，唔想有遗憾。（第一集咁好成绩会唔会有压力？）无压力，努力做好佢，尽力做好就得，希望观众会钟意同埋支持。”问到他当了视帝之后可会加价，他说：“我系抵用价，香港经济麻麻，我想多啲人揾我工作，今年农历新年都有好多工作喺身，有出埠开骚，好好。”虽然他经已是视帝，但他觉得不代表什么，也要不断努力：“我好钟意踢波，就好似英超咁，今季有好成绩唔代表下季都一样咁好，所以要继续做好自己。”至于感情事他就话随缘。