【黄金有罪】跟洪永城演一对 陈滢︰我哋身体语言方面会比较夸张
无线电视剧《黄金有罪》里面，陈滢（Jeannie）饰演的水敏婷和洪永城（Tony）饰演的庄带喜是一对，二人在今晚播出的第13集更终于成为情侣，后来愈爱愈甜蜜。TVB在网上公开的拍摄花絮，看到有一幕，Jeannie撒娇地捉实Tony的手放在自己心口上，令网民大感惊人！
TVB在Youtube上载一条《黄金有罪》题为“陈滢主动到吓亲洪永城”的拍摄中的花絮片，当中Jeannie在街上撒娇讲︰“我整亲啊！”Tony问︰“整亲边度啊？”然后Jeannie一手捉住Tony的手放在自己胸前，嘟嘴讲︰“我整亲呢度啊，你唔睬人搞到人哋个心唔舒服啊。”超嗲！Tony即刻讲︰“我点会唔睬你啊？！”一Cut机，Tony就大呼︰“我被迫㗎！”仲要连讲三、四次急忙澄清。
点击下图逐格看︰
这一幕非常大胆，Jeannie在出席剧集宣传活动时接受《香港01》访问作出解画，她解释这一幕之后会出街，“之后个感情会再进展落去，所以之后啲更加热情嘅动作会陆续有嚟，你哋见到𠮶幕都会播嘅应该，应该喺嚟紧呢个礼拜。”她表示剧中的水敏婷和庄带喜，是热恋中，而且比较大胆和调皮，“所以我哋两个对于身体语言𠮶方面都系会比较夸张嘅，咁𠮶幕系讲我话‘我个心痛啊’想佢锡返我咁样，我觉得男女朋友之间，当你真系拍紧拖，啲激情戏已经做完啦，因为应该系播完先至会到呢段，咁就会有呢幕，男女拍拖就系会咁样，我哋想像中嘅。”（呢个动作系自己安排？）“呢个剧本就唔会要求嘅，我哋有好多动作都系自己再加落去，令到呢两个角色系会画龙点睛。”
始终动作接触到的部位较敏感，Jeannie强调不是不小心，是设计的动作，她指︰“因为都睇住㗎嘛。（都做得好自然。）系啊系啊，所有啲Body Movement都系OK嘅，同埋有好多时候都未必会预先讲㗎，未必话‘我阵间会咁样’，因为咁样有时会冇咗个Surprise，因为第一个自然反应系最真实㗎嘛，有时好多位，我又会做，佢又会做，都系冇啦啦加入去嘅，咁我哋两个都唔觉得呢个系一个问题，因为如果预先知道你个Partner系可能会敏感啲，或者唔舒服，就当然会讲啦，但因为我哋两个都好清楚我哋个性格都系好Chill咁样，所以就OK。（都好相信对方？）系，我都唔知可以点样唔信，要相信个角色，你唔可以质疑个角色。”
点击下图重温更多Tony和Jeannie的感情线︰
片段最尾，Tony有讲“我被迫㗎”，Jeannie就笑言︰“因为始终男仔又会敏感啲嘅，如果佢咁大胆去做呢件事，咁所以佢自己讲返句。”相信剧情之后也会更加紧凑！
点击下图睇吓更多Jeannie嘅靓相︰