【开心速递】陈伟琪否认有背男友偷啜外籍男：我单身咗一段时间

无线处境剧《爱·回家之开心速递》今日举行新春活动，在剧中饰演细龙太的陈伟琪 （Vicky）以及饰演她老公细龙生的郑世豪都有出席。Vicky日前被影到在街头与一名外籍男子咀嘴，即被报道指她背住男友偷食。问到Vicky偷啜外籍男一事，她表示：“我无偷啜呀。”她身旁的世豪即说：“佢系明啜。”Vicky就点头说：“系呀，同埋我要澄清返，我已单身咗一段时间，所以我唔系报道所讲嘅背住男朋友偷食。咁分手唔系咩开心事，我就无公告天下。”

Vicky透露当日跟她锡锡的外籍男是她的追求者，她请求大家：“畀返啲空间我哋，唔好吓走人，我惊会吓走佢，佢有睇到报道，佢最Angry（生气）系报道写佢似汤汉斯，但佢觉得自己似汤告鲁斯。（咁你觉得佢似边个？）我唔敢讲，惊讲错嘢，哈哈。”她坦言对对方有好感，两人也有发展的机会：“要再畀多啲时间互相了解下。其实我妈咪都想快啲嫁走个女，想快啲抱孙，我都想成家立室，不过我唔心急嘅。我真系拍拖会同大家讲，所以请大家畀啲空间我，唔好阻住我妈抱孙呀。”