骆胤鸣获男友再补浪漫求婚　太惊喜反惹猜疑：担心佢会出轨

组合“SiS乐印姊妹”成员骆胤鸣（烙印）早前宣布正式成为准人妻，将会在12月与拍拖5年的圈外男友“哈士彬”拉埋天窗！虽然烙印曾在IG分享男友用麦乐鸡盒求婚的过程。但可能过程过于简单，“哈士彬”竟然在日前再给烙印补上一个惊喜求婚，相当浪漫！

“哈士彬”日前在迪士尼乐园安排了一场梦幻求婚，但烙印接受《香港01》访问竟然讲道：“我觉得我哋结唔成婚㗎喇！（下，点解呀？）佢咁样呃我㖞，骗子。”“哈士彬”接着淡定地说：“故事系咁嘅，其实我叫咗Mayanne（麦美恩）约佢哋去迪士尼玩，仲叫埋佢（烙印）问我去唔去，因为有免费飞，但我就话唔得呀，𠮶日要返工。咁佢（烙印）就好开心同许文轩同Mayanne去玩，仲谂住自己做佢哋嘅烟幕。”

而当Mayanne照住“哈士彬”的指示，安排烙印与卡通人物合照时，“哈士彬”就突然现身带上玫瑰花上前求婚。而他们更笑言：“现场最搞笑系啲人以为许文轩向Mayanne求婚，点知攞住札花系我。当时真系好紧张，都唔知自己讲咗啲乜，因为得3分钟，又唔想阻住后面排队影相嘅人，所以系好慌乱嘅情况下完成，冇乜记忆。”

烙印更笑言整个过程只得一下嘅感动，她称：“当时好多唔识嘅人冲上嚟，越嚟越多人所以我好惊。因为我好惊俾人围住，之后就好惊好惊，想快啲快啲，所以有一下感动，之后就冇咗，又开始嬲。（嬲咩呀？）佢呃我啰，之后就一路问，原本个个都知连米奇都知，得我唔知。之后又谂，做咩唔叫我着靓啲，又开始担心点解佢可以呃到我又呃埋我身边啲人，又担心佢会出轨。”

点撃下图睇全过程！

虽然求婚过程相当顺利，但由于“哈士彬”未有事前告知未来外母而激嬲对方，“哈士彬”解释道：“因为我见过太多都系喺屋企人𠮶边走漏风声，所以就冇讲，嚟紧都要买啲嘢上去氹返佢。”