ERROR无惧与“劲歌总选”正面交锋　保锜：佢都系颁畀自己人！

ViuTV于周六（18日）举行《电竞巨Sing Show》，MIRROR、ERROR、陈洁灵、许廷铿、AGA江海迦、Gin Lee李幸倪等一众歌手为慈善倾力演出，ERROR主动提到无线是日举行《2019年度劲歌金曲颁奖典礼》，保锜（吴保锜）毫不留情说：“佢都系颁畀自己人，有乜所谓？（正面对碰怕有比较？）有冇所谓！我做KOL系网络上嘅人睇嘛！”阿Dee（何启华）续言：“我觉得冇话斗唔斗嘅，喜好问题姐；斗的话全世界都斗紧啦，最紧要做好自己，我有信心呢个节目系搞笑嘅！”

作为歌手的ERROR，193（郭嘉骏）说：“我觉得我哋应该有资格参加隔篱台嘅颁奖典礼！”保锜提出：“佢都冇播我哋嘅歌！”肥仔（梁业）说：“人哋咁小器就算啦！”193续言：“如果将来有机会，任何颁奖礼可以畀任何人参加，我哋又会有机会去角逐下。”ERROR成员又不忘称赞公司ViuTV：“好嘅地方系好大爱，即使艺人喺其他台拍节目，亦都可以喺ViuTV拍。”阿Dee以本日节目为例：“以前细个睇电视就系呢种感觉，好多唔同嘅Artist喺电视做表演。”193赞同道：“你睇外国、韩国、大陆任何艺人都可以去唔同电视台，咁对艺人同观众都好；但我谂都好难，我哋有生之年都睇唔到呢日。”