57岁马景涛靠婚礼骚揾食？　一曲稳袋33万歌酬竟然系友情价

于90年代凭《倚天屠龙记》、《再见艳阳天》而成为“师奶杀手”嘅马景涛，近年虽然极少参与幕前演出，但仍不时有喺微博分享近况。日前，马景涛应邀到湖北天门做婚礼表演嘉宾，更被网民拍下仍喺台上唱《倚天屠龙记》主题曲《刀剑如梦》嘅片段，有指马景涛虽然只系唱得一首歌，但已稳袋30万人仔。

片段中，57岁嘅马景涛看起来有点苍老，但身形似乎保养得唔错，唱歌时仲抱起献花嘅小朋友带动现场气氛。被婚礼主持人称为马老师嘅佢，喺祝福一对新人时，提到杨姓新郎系自己好朋友。唔少网友睇完片段之后，都惊讶地表示原来30万出场费已经系友情价，但亦有网友感慨表示昔日嘅男神，竟然要唱婚礼骚赚钱。

台湾出身嘅马景涛，早年成了琼瑶作品嘅御用男主角，《倚天屠龙记》94年喺香港播出时，收视同世界杯足球赛事一样咁高，令马景涛成了“师奶杀手”。95年他接下亚视的《再见艳阳天》，剧中他本身战死沙场，但最后因观众纷纷去信亚视，而令佢所饰演嘅“方贺生”一角翻生，与女主角陈秀雯重逢，情况极为罕见。

早已移居内地嘅马景涛，不时都会喺微博分享生活点滴。