【专访】向海岚忆被港姐名衔绑住失去自己：出嚟见人要坐到好直

《香港小姐竞选》一直标榜“美丽与智慧并重”，两者缺一不可。对很多女仔来说，参选港姐是儿时梦想，又或是实现梦想的途径之一。1998年的港姐冠军向海岚（Anne），一转眼已经当选超过20年，这位“四料港姐”在外界看来可能好风光，但谁曾想过，正正因为这个名衔，她曾失去自我：“一出嚟见人就要坐到好直，好斯文咁坐定定，讲嘢好大方得体”，这个框框束缚了几多人？发型：Matt Chiu @ Xenter首饰：Legacy Lab场地：Party Huh

大热姿态成“四料港姐”　太受保护失去自我

1998年Anne以大热姿态勇夺港姐冠军、最上镜小姐等4个奖项而入行，一举手一投足都散发着港姐的优雅，但在她看来，原来也是一个包袱：“港姐好受保护，好有一个特定嘅Image（形象），话畀大家听港姐就系要好端庄、好斯文、大方高贵，感觉有少少冇咗自己。成日一出嚟见人就要坐到好直，好斯文咁坐定定，讲嘢好大方得体，唔系话我自己唔系咁嘅性格，但人都有唔同嘅一面，可能头𠮶几年自己真系俾香港小姐呢个名衔框住咗。”

港姐失去光环　演技被诟病？

每年的港姐竞选除了是一项选美盛事之外，当选的港姐也会签约TVB，随即展开演艺生涯。不过近年不少港姐出身的演员都被批演技差，令大家开始反思究竟港姐适不适合做演员呢：“而家佢哋选完出嚟好快已经做紧好多唔同嘅节目，做主持、拍剧，当你做主持同拍剧嘅时候，你又要有个人嘅特色，少咗港姐嘅𠮶种感觉。而家可能啲人会话点解对啲港姐冇乜印象？其实主要原因系佢哋去咗拍剧，展现咗自己另一种性格，人哋就冇咁深刻嘅印象。”

冯盈盈言论大胆反而有代表性：随波逐流真系会唔记得

虽然近年港姐形象不再鲜明，但Anne反而对出名言论大胆出位的冯盈盈印象深刻：“我觉得都算有代表性，起码近年大家一讲都真系会记得佢，对一个Artist嚟讲系好嘅，佢好鲜明地建立咗自己嘅形象，呢样其实都好紧要，因为你随波逐流人哋真系会唔记得。以前我真系要好乖，Keep返港姐嘅形象，反而会令人哋冇咁深刻嘅印象，净系记得某几个电视剧集。但佢嘅话，我会觉得系人哋反而会记得佢个人，可能未必记得佢拍过咩剧，但都会好知道佢系一个咩性格嘅人。”

无线剧集辉煌不再：养成咗习惯唔睇香港嘅剧集

Anne早年参演的《杨贵妃》、《无头东宫》及《胭脂水粉》都受到赞赏及认同，是千禧年代备受力捧的花旦之一，就算是到现在都依然有人记得她的演出。但近年TVB剧集饱受批评，收视口碑大不如前，辉煌不再：“而家可能睇电视嘅模式唔同咗，唔似以前真系要8点半坐喺电视机面前睇，好多时你可以之后喺网上睇，或者网上有好多其他唔同嘅选择。可能我中间离开香港有八九年时间，𠮶段时间我真系少睇咗香港嘅电视剧，选择喺网上睇其他剧集或者电影，慢慢养成咗个习惯唔睇香港嘅剧集。咁所以话有咩改善我真系讲唔到，因为我真系少睇，真系冇睇到。”

点击下图睇Anne更多作品：

阔别娱圈7年重返幕前　有意回巢拍剧

在2008年Anne毅然选择告别娱圈，抛下一切到上海过起朝九晚五的OL生活，直至2015年重返幕前，先后参演过内地的电视剧，主持过清谈节目，演过舞台剧，TVB亦曾找她回巢拍剧：“其实都有揾过我，但系时间上真系夹唔到。之前有几套真系撞咗其他期，所以冇办法喇，唯有睇下再有冇机会啦。”香港观众想要再欣赏她的戏剧演出，看来还是要再等等了。