马国明夺视帝“笋盘度”激增 旧拍档叶璇呻走宝：细个唔识珍惜！
撰文： 吴子生
出版：更新：
叶璇今日（14/1）现身港台出席《安哥同学会》录音访问。提到好友马国明苦等13年终在《万千星辉颁奖典礼2019》勇夺视帝宝座，叶璇直言为他感到高兴：“佢第一部剧就系同我拍《再生缘》，昨晚同德哥（潘嘉德）食饭时都有佢通电话恭喜佢，其实马明畀我嘅感觉系一个沉稳又有知识嘅男仔，男演员中佢学历都好高，咁所以𠮶阵时大家都好倾得埋，见到佢咁多年都发展得咁好，我都觉得好开心。”
现时单身的叶璇，被问到会否考虑同马明发展恋情？叶璇笑言：“哈哈，我谂佢不乏追求者，讲到我都流晒口水，其实佢条件真系好好，自怨自己细过嘅时候唔识珍惜，哈哈！讲笑，我哋𠮶阵时冇来往过，只系合作过，虽然大家都耐冇见，但佢畀我嘅印象真系好好嘅。”