【专访】陈俞希由𡃁模变ViuTV一姐　唔怕公司偏心MIRROR：未惊过

由王贻兴、刘翁（Sunny）执导和编剧的ViuTV剧集《黑市》最近成为网民热话，更有不少观众大赞各单元均能够引起共鸣。今日（14/1），99台便会播放由陈俞希（Hailey）、黄奕晨主演的第14集《失眠梦》，让大家感受失眠的恐怖之处。不过，原来陈俞希在现实生活中甚少经历失眠，更能随时随地抱头大睡：“其中一场戏我瞓喺张床上，要表现到好似发紧噩梦咁，贻兴、Sunny出面嗌叫我畀反应，但系我完全听唔到。到我起返身时，就问系咪要做返啲表情，‘拍完咗喇’，因为我等埋位时真系极速瞓着咗。”更笑指之前拍摄真人骚《SE7EN》时，试过担遮坐在海边巨石上摊唞，结果“意外”睡着：“佢哋拍完晒走，竟然想唔叫我走！”

其实除了《黑市 – 失眠梦》之外，陈俞希最近亦有在《已读不回》、《假设性无罪》演出，特别是她在《假》剧的“鹌鹑式”演出，深受观众赞赏：“以前有人问我钟意做主持定演员多啲，我一定系话主持，而家试咗一两套剧集，我真系对演戏有咗兴趣，同埋挑战性好似大啲，因为每一个角色都系唔同。”虽然不少人一早知道她在演艺学院毕业，但其实她并非主修戏剧表演，而是舞台管理，对于拍剧、拍戏，她无疑是初哥一名：“可能读书时睇同学排戏都学到好多嘢，但真系拎起剧本真系入行先开始，我都有上戏剧班，但仲有好多嘢去摸索。”

点击下图观看《黑市 – 失眠梦》花絮相片：

自从ViuTV进入“后黄心美时代”，陈俞希顿变全公司资历最深、出镜率最高的“亲生女”，是名副其实的“一姐”。提到这点，她即连声否认：“冇啦，唔系啦！同事都系讲笑咁讲，我冇将佢当真。”谈到现时她的出镜率奇高，她说：“我唔够担咁说，我真系冇去计过，同埋我唔觉得系心美离开，而令自己多咗工作，两者冇关系嘅。”

虽然已变“一姐”，但最近却有消息指她“坐唔稳”，有报道便指ViuTV打算全力谷《造星》仔仔，放重资源在MIRROR、ERROR身上，向陈俞希、黄奕晨等“亲生仔女”开刀。陈俞希坦言未惊过，一来合约未完，二来从未听过这个消息：“同埋我同佢哋嘅路线系好唔一样，MIRROR、ERROR系歌星，我就偏向系主持，一个大骚要有司仪同嘉宾先会成事。佢哋拍青春剧集，我拍就未必系呢类，人哋都未必想睇我拍青春剧啦！”又指《造星》仔仔的存在不会分薄其他“亲生仔女”的资源。

点击下图观看陈俞希专访靓相：

当然，无论有没有其他人分薄资源，单单是在香港做艺人这件事也绝不容易，而入行十年的陈俞希亦坦言曾经有段时间完全没有工作：“就系做𡃁模𠮶阵，始终当时出第一本写真集，系八个人一齐出，首先你要八个人之中突围而出已经系一件难事，有时都会觉得，点解啲客唔拣自己，同埋真系会唔开心，会谂自己有咩做得唔够好。”当时没有底薪的她为了生计都有返兼职做电话问卷调查员：“因为我踏入社会之后，就冇问过屋企人拎钱，见到冇几多钱净，就嚟一百蚊都揿唔到，就会返多几个钟兼职。”

提到外界经常觉得ViuTV长期挨打，相信一班员工都想一吐乌气，靠创新意念、制作去尽力爬头，取代TVB业界龙头地位，但陈俞希从来不认为取代TVB是ViuTV的任务：“我真心希望系可以百花齐放，好似我而家同BabyJohn合作紧，佢同时亦喺开电视拍节目，点解唔可以咁？以前剧场界都系咁啦，你可以做一个剧团，亦可以做另一个剧团。我唔介意喺大台出现，如果佢容许我嘅话。”因为这样的话，所有艺人都能够得到更多工作机会：“我成日觉得好嘥，可能佢拍其他台嘅节目都好适合，或者其他台嘅角色都好适合佢，但就系因为咁冇法子可以同时做，如果可以一齐做就最开心。”

点击下图观看陈俞希Instagram靓相：