【万千星辉2019】与李施嬅做最受欢迎拍档　陈山聪笑言最想生仔

《万千星辉颁奖典礼2019》今晚（12日）于TVB电视城隆重举行，李施嬅（Selena）和陈山聪凭剧集《金宵大厦》夺得“最受欢迎电视拍档”。陈山聪表示与Selena很合拍，而且合作时觉得很舒服：“我最记得我哋拍完之后，其实都未去到观众睇到咁大感觉，但系我睇番剪片，𠮶时Selena喺加拿大，我同佢讲‘哗真系好得，好感动！’我喺天台有场戏我同佢Whatsapp，我自己睇到眼湿湿𠮶时咩配乐都冇，结果真系𠮶几场戏观众真系好钟意。”Selena称：“呢个奖系我哋其中一个好想攞嘅奖嚟，同埋‘最佳剧集’，希望唔好有咗呢个奖就冇啦，哈哈！”

陈山聪虽然失落“最佳男主角”，不过他笑言自己最想生仔，Selena在旁笑指：“佢依家放紧假，冇嘢做吖嘛，梗系造人啦！”陈山聪笑言：“我都系第一次做男主角，今日攞唔到都仲有好长嘅路可以继续进步落去，但系我生仔就唔可以等太耐啦，因为我冇乜好长嘅时间生架啦，哈哈！”Selena叫山聪生完再拍《金宵大厦2》，陈山聪表示急不及待：“我阵间就打畀我老婆，叫佢ready！（今晚当庆祝！）留番我哋做‘最佳拍档’，哈哈！”