【万千星辉2019】何雁诗着“婚纱”行红地毡　郑俊弘：佢冇问过我

于2020年第一日宣布婚讯的郑俊弘（Fred）和何雁诗（Stephanie），今晚（12日）首次以未婚夫妻身份出席《万千星辉颁奖典礼2019》。提到Stephanie以一身性感低胸白色晚装出席，问他有否取得Fred的批准？Fred笑言：“我有见过呢条裙，但系佢就冇问过我，净系show畀我睇，但系好靓！”

Stephanie虽然影婚纱相时大露性感，不过她坦然结婚当晚必定会着得密实：“Wedding我想着樽领或者长袖衫为主，始终big day有好多长辈喺度，应该庄重少少嘅！”

Stephanie透露求婚当晚的细节：“其实好简单，佢有啲口吃，又口窒窒，不过真系好切合佢嘅性格，好cute但都好真诚，我冇谂过佢准备咁多惊喜畀我，因为我一直都好怀疑佢呃唔呃到我，估唔到佢做到！”Fred忆述当时在Stephanie的家人和朋友面前求婚真的很紧张：“我𠮶阵手震，仲紧张过上台唱歌！讲个啲说话依家我都好模糊！”