代莲曦丹美疑胃抽筋入院：似有把铰剪剪紧啲肉嘅感觉

常言道小病是福，不过大时大节病住喺医院过，感觉真系好凄凉。代莲曦丹美（Daisy）离开TVB后机会不断，致力发展个人潮牌，可能因为工作太忙搞到新一年年头就要入院：“似有把铰剪剪紧啲肉嘅感觉。”

Daisy近期除咗忙生意，亦要搞网剧及筹备下月往法国出席巴黎时装周，岂料就忙出个病来，胃痛不适，仲痛到标晒冷汗，搞到新年流流入医院：“𠮶日系胃痛到好犀利，本身谂住食胃药休息吓，但愈嚟愈严重，好似有把铰剪剪紧啲肉嘅感觉，好痛苦，跟住休息咗一晚之后，第二朝都系唔得啦，都系要入医院住，睇医生嘅结果系胃抽筋。”

其实Daisy向来肠胃麻麻，撞正近期天气忽冷忽热，睡眠不足兼饮食不规律，搞到铁人都瞓低，她说：“好彩今次冇咩事，不过入院时都好惊，因为怕耽误工作，好彩成功出到医院赶得切去到澳门做嘢。”