【武汉肺炎】洪永城高价购入N95口罩　汤洛雯：买唔到口罩唔出街

最近武汉爆发不明肺炎个案，陆续有市民从武汉返港后疑染上不明肺炎，令全港市民的卫生意识急速提升。洪永城（Tony）与汤洛雯（靓汤）今日（8/1）出席无线（TVB）剧集《丫鬟大联盟》宣传活动时表示有留意香港的情况，而同剧的谢东闵因病缺席，Tony说：“原本会一齐帮《丫鬟大联盟》拍online video，但系佢病咗嚟唔到，佢原本今日都话想嚟，仲有少少未康复，我叫佢留喺屋企，千祈唔好出街，而家你好危险。传染咗畀大家就真系唔好。”靓汤赞同：“唔舒服唔好夹硬嚟，因为太多人嘅地方都惊。”

香港出现口罩抢购潮，有药房更将口罩价格提升多倍，Tony亦有留意：“而家啲口罩愈嚟愈贵，全部炒高晒啲价钱，自己喺背囊有准备（口罩）。”靓汤说：“都会准备，多人嘅地方。我前几日搭完飞机，唔使惊。（洪永城：‘搭飞机啫，唔系去武汉就得。’）我唔系，我去泰国，我都要戴口罩，平时我唔钟意戴口罩，我惊皮肤会焗到生粒粒。但系而家都要戴口罩，下次我宣传都会戴口罩。（洪永城：‘宣传戴口罩点见到你靓样？’）”Gag嚟㗎！”

为保障健康，洪永城以高价购买N95口罩：“$100一个。最普通白色𠮶个唔work，绿色𠮶个先work，医护人员戴𠮶个。我系买硬纸皮、白色，黄色带。”靓汤就独有一套方法：“我都唔出街嘅，我好少出街，宅女嚟，所以呢段时间尽可能唔出街，继续贯彻我嘅作风。如果买唔到口罩咪唔好出街，横掂你（Tony）都有女朋友。”