第44代“五色战士”《魔进战队》3月登场　点解全部红色做队长？

其实除咗《恐龙战队》、《五星战队》，香港人对“五色战队”又有几多认识？其实呢两队“战队”都系日本朝日电视台自1975年开始连载嘅《超级战队系列》嘅其中一分子，《恐龙战队》其实已经系第16代（1992年）、《五色战队》就系第17代（1993年），总数44队。而呢个《超级战队系列》嘅最大特色，就系几乎所有都系由5人组成，另外再加1或多位“特别角色”，例如《五星战队》入面，由原本组成嘅“红、绿、蓝、黄、粉”额外加多位白色队友；而另一个最大特色，就系清一色都系用“红色”战士做主角／队长（企中间）。原因方面至今有好多猜测，但最为人所认同嘅系日本国旗系一个“红色”太阳，所以净用红色。而最有有创意嘅地方系，喺呢44队入面，话就话嚟嚟去去都系𠮶几只色，但全部战队都唔同名，服装造型亦有所不同，所操控嘅机械人亦都有好明显嘅分别，但一次过睇晒44队，真系好似玩紧Photo Hunt！
而嚟紧3月就会喺日本播放嘅第44代超级战队-《魔进战队》。