陈慧敏埃及之旅险被性侵　心情未平复犹有余悸：好似有躯壳冇灵魂

艺人陈慧敏早前在100天独游之旅期间，在埃及征途上差点被性侵，庆幸自己在情急智生下逃出魔爪，并在社交平台披露事发经过，事情引起不少网民关注。今日（6/1）陈慧敏现身新城电台，为新歌《莫名哀伤》宣传造势。慧敏接受《香港01》访问时提及到当日不愉快事，心情犹有余悸：“其实我都觉得自己当日系好天真咁去旅行，但如果太多顾虑人生有好多嘢都做唔到，事发后，我有成个星期都唔知做紧乜，个人好空洞，好似有躯壳冇灵魂咁，唔开心到要同自己剪头发，揾啲嘢俾自己做，个阵时啲朋友都知我即刻返香港，但我冇选择到，而系改行程去咗土耳其疗伤，希望忘记伤痛。”

被问到案发后为何不即时报警处理？慧敏直言：“我系冇做到，原因系佢冇做过对我超过嘅事情，一开头佢话帮我按摩，然后佢就拉高咗我件衫之后摸我，又揽我条腰又抱起我坐佢大髀，又喺我耳边除声细气讲嘢，又叫我深呼吸，𠮶一刻我就觉得好奇怪，然后发觉佢唔系帮我按摩，只有一种被摸嘅感觉，呢𠮶个程虽然有十分钟时间，但感觉就过得好漫长，最终幸运地冇事，自己觉得系一个对自己好大嘅教训。”

事后慧敏抱著空洞的情绪去到土耳其，继续展开新的旅程，在旅馆认识一名危地马拉揹包客男生，双方一见如故，并在社交平台写下“千字文”向大家分他们的爱情故事。有网民回应留言话：“事情很峰回路转，好睇过连续剧，系咪为新歌宣传造势。”慧敏笑言：“我返到嚟香港啲朋友都问我呢件事系咪真，我就同佢哋讲唔系真，我又点会Post出嚟，同埋有社交平台咁耐，我系冇Post关于感情嘅嘢，所以对于我来讲，系跨越咗一个好大障碍。”