日本女星长靴外形似除紧裤等去厕所　原来系蔡依林劲冧潮牌

撰文： 邝钰莹
出版：更新：
女星但不时都会“下衣失踪”，日本女星景井ひな为咗突显Y/PROJECT boots，明显悉心配衬过，但就被网民取笑。(ig图片)

对于女士们嚟讲，要骚长腿真系唔需要理会天气。就好似因拍 TikTok 而走红嘅日本女星景井ひな咁，日前佢喺IG上载一相#ootd(Outfit of the day)照片，相中景井ひな上身系卫衣，而下身嘅超短热裤则被卫衣盖过……不过佢出完相之后，即时引起好大回响，事关对绿色格仔boots高到上大腿位置，但偏偏对boots嘅外形就好似一条裤咁，而呢条“裤”状似准备去厕所时要脱下长裤咁嘅模样……

你有你笑，佢有佢继续po，仲暗串大家唔识货……但个甫士可唔可以好啲？(ig图片)
+2

景井ひな微微向前倾，令到对boots更似脱到一半嘅长裤咁……唔少网民都即时留言“我以为佢除紧裤”、“件衫好似好冻咁㖞”、“对靴咩事”……被网民疯狂取笑嘅景井ひな前日再次以绿色格仔boots上阵，除上载更多嘅#ootd照片之外，更发文指“呢对y / project全日本可能只得一对”似在暗串网民唔识货。

粗重嘢，都系交返比模特儿示范啦。(网上图片)

话说呢对外形奇怪嘅Y/PROJECT thigh length tartan boots，售价335美元，另外红色，不过官网已sold out。品牌自2013年由设计师Glenn Martens接手后，获不少艺人如Rihanna、内地艺人李宇春、杨幂捧场，而有流行教主之称嘅蔡依林，近年亦不时喺佢身上出现Y/PROJECT嘅服装，但就从未出现过好似景井ひな咁嘅失手情况。