冯盈盈分手导火线系浴室激吻？　张颕康：盈盈一直唔想拍呢场戏

冯盈盈今晨在IG出Post与拍拖4年医生男友宣告分手。外间盛传分手导火线是拍摄剧集《解决师》时，与张颕康在浴室湿身激吻演出有关，当时冯盈盈直指男友睇到心灵受创。今日张颕康出席无线剧集《逆天奇案》拜神仪式，就此事接受《香港01》访问时说：“其实都系传言，我唔知道佢哋两个当中分手原因系乜，坦白讲呢场戏我老婆佢睇到都好唔开心，呢啲戏系会令到双方令一伴会感到痛苦，其实阿盈盈一直以来，由收到呢个剧本嘅时候，已经唔想拍呢场戏，大家都有谂方法尽量减低一啲亲密镜头，尽量可以掂都唔掂，最尾冇得避嘅时候都要去做，只能够讲我哋做演员都好被动。”

阿康续说：“其实早两日28号晚，我搞圣诞派对盈盈都有嚟我屋企，当晚唔见佢有带男友到，我都有问佢男友点解唔嚟嘅，盈盈就轻轻带过话男友唔得闲嚟，玩到令晨12点，佢就话要走，当时我心谂可能佢要交人陪男友，所以都一直都唔知佢发生紧咩事，希望佢哋两个好快冇事，能够可以复合番啦！”