古天乐搭飞机食杯面获封贴地男神：饿嘅时候冇嘢食都要食㗎啦！

古天乐周一（30日）出席保险活动，谈到自己二十六、七岁开始买保险：“当时好奇怪，朋友揾我买保险大家多数都耍手拧头，而家好乐意去倾，因为保险真系好重要；而家个朋友都做到好高级！”他又谈到之前接受手术现已完全康复：“拍戏系比较容易有意外发生嘅工种，受伤系避不免，庆幸自己都够运冇事。”

古天乐日前到上海出席活动，被拍到在飞机上吃杯面的照片，而被网民大赞节俭，又获封为贴地男神；对此古天乐平淡回应道：“食杯面系好平常嘅一件事，唔好太标签化件事！我哋拍戏有时地方唔方便，未必买到嘢食，带个杯面旁身系好简单嘅一件事。”问到会否因为健康而忍口，他就说：“饿嘅时候冇嘢食都要食㗎啦！”

2019年香港电影的产量再创新低，作为演艺人协会会长的古天乐说：“受好多唔同因素影响，无论系经济环境、观众睇戏嘅意欲、投资者嘅睇法等⋯⋯我作为会长当然会同其他会员协商，希望政府可以出手去帮一帮业界，大力支持我哋拍电影，冇办法估计呢个寒冬期系几耐，但我见到业界好有热诚去做，希望业界可以守望相助挨过呢段困难嘅时期、亦希望政府可以支持我哋，可能稍后时间会同唔同属会倾倾点同政府协商，可以帮电影圈度过呢个关口。”