【入住请敲门4】访台中猛鬼庙宇　少年欠$3000被砍68刀再被抛下楼

撰文： 邝钰莹
出版：更新：

今集嘅《入住请敲门4》继续挑战台中灵异酒店，节目中，林婷提到酒店曾经有妇人带同两名小朋友入住后自杀，综合网友嘅推测，呢间酒店应该就系烟波大饭店－都会馆 （Lakeshore Hotel Metropolis）。喺唔同嘅旅游网中，烟波大饭店得到嘅评分都算几高，原因多数系因为交通方便……

有传喺房里阅出有关妇人自杀嘅新闻，就会有怪事发生。
烟波大饭店喺宜兰、台南都有分馆，而今集《入住》去嘅就系位于新竹都会馆。（网上图片）

不过，亦都有曾经入住嘅妈妈喺讨论区分享灵异经历，表示同行嘅两位小朋友先后指住窗门话“外面有魔鬼”，而呢位妈妈亦喺晚上听到房间对话声。“对话的声音很清晰又很近，却又看不到人。”翌日，一行人先留意到挂喺房嘅一幅画，似系用朱砂画成嘅一道符。

豪华双人房约7百港元一晚。（网上图片）

另外，今集莫竣名亦会去挑战台中超有名嘅灵探热点－－开天宫。庙宇本身喺地震之后被废弃，而喺09年嘅时候，一名16岁少年因拖欠朋友三千元台币，而在上址遭狂砍68刀，尸体最后被人由五楼抛下。曾经有YouTuber去到上址探灵时，透过磁场探测机问“请问一下在这边被杀害的男性灵体是否姓陈？”，结果竟然得到一声回应“是。”

开天宫虽然被废弃，但有唔少YouTuber都去过探灵。（网上图片）
莫竣名都喺开天宫内遇上灵异事件。