【入住请敲门4】冲绳CP值极高酒店　原来旁边有个自杀悬崖

《入住请敲门4》今集入住位于冲绳残波岬嘅酒店，由于每间房都拥有海景，而双人房房价都只系6百元左右，故在不少旅游网中评价极高。由于残波岬酒店唔多，所以有网友推测今集入住嘅系喺旅游网评价极高嘅残波岬皇家度假饭店（Royal Hotel OKINAWA ZANPAMISAKI）。之不过，就有于林婷喺节目中所讲，酒店非常靠近“自杀悬崖”，甚至喺日本嘅旅游网中，有网民指酒店后方嘅残波岬公园，绝对系冲縄嘅自杀地标，怨气有几重可想而知。

至于另一间空姐点名嘅猛鬼机场酒店，唔需要多讲，网民好快就已经揾出系连接住关西机场嘅日航关西机场酒店（Hotel Nikko Kansai Airport），有空姐曾入住该酒店，发现洗手间前嘅全身镜有好多鬼穿梭镜内外，同行友人睇电视时，房内嘅鬼因不停喺镜又出又出而感到十分骚扰，于是大叫“你们不要阻住！”当啲鬼发现原来系“被看见”之后，便即时消失……日航关西机场酒店虽然有不少灵异传闻，但房价平均都要一千元以上……今辑《入住》先后挑战邻近机场嘅酒店，廖子龙师傅曾在《恐怖热线》解释过，他表示当一个人吓死异乡后，因为走不得而逗留喺佢想走嘅而走唔到的地方，于是机场酒店就成了最好的选择。