【黑市】陈启泰唔做僵尸做死神：可以乱咁演过足戏瘾
撰文： 陈芷颖
出版：更新：
陈启泰（Kenneth）今日（19/12）出席ViuTV新剧《黑市》记者会，他在单元《死神》中饰演死神，更大赞对手英健朗（小占）：“同佢喺《有病有真相》拍档咗好耐，好熟。故仔就系讲我作为死神嚟到阳间招佢嘅魂，好多地方都可以好熟咁沟通。”
Kenneth参与《黑市》的演出，最吸引他的是一班未合作过的新鲜人：“Sunny（刘翁）同贻兴都系新晋导演，会有新嘅idea，今次有机会试啲新野。拍摄时我畀咗好多input，好开心两位导演欣然接受。”今次不再饰演僵尸，而是死神，陈启泰大叫好玩：“可以乱咁演、天马行空，对一个演员嚟讲系过足戏瘾。呢个单元最深刻系可以睇到人性好真实、好丑恶嘅一面，因为剧中我系迫得小占好紧要，会恐吓佢，迫到佢好癫。”
面对众多新演员，陈启泰笑言未敢教他们演戏：“唔一定资深演员好过新晋演员，大家互相学习。”比起较旧的拍剧模式，Kenneth说拍单元故事轻松得多：“虽然全部夜戏，但只系拍3日，舒服好多。我都好期待，听讲呢套剧圣诞节首播，我个单元就系年三十晚做，希望大家到时留意。”