【黑市】猛鬼学校拍剧　杨偲泳劲细胆：去边都要人陪

杨偲泳（Renci）昨日（19/12）出席ViuTV新剧《黑市》记者会，她在《吓亲万理通》单元故事中饰演鬼魂新丁：“我饰演一个啱啱死嘅人，去到地府跟詹瑞文老师学做一个称职嘅鬼魂，透过吓在生嘅人攞积分，够分就可以去投胎。拍摄过程好开心，要我哋反省返在生时嘅遗憾、来不及做嘅事，教大家珍惜。”

谈到初次与詹瑞文合作，Renci坦言起初非常紧张：“我会刻意去谂点样令人笑，詹Sir畀咗好多指引我，佢系一个老师，又好冇架子。”拍摄惊栗剧集，细胆的Renci非常害怕：“大家都知我好怕鬼怪嘅野，有两晚拍通宵都系喺达德小学，我惊到去边度都要人陪。好好彩冇遇到怪事，但我好心寒，自己吓自己嘅感觉。”

圣诞将近，Renci指未有计划：“可能工作，最重要陪屋企人，最近冇咩时间陪佢哋。（会唔会同张振朗庆祝？）我谂大家都要工作，各自都好忙，工作为先。（工作完会一齐庆祝？）都会嘅，食个饭。希望佢写张卡畀我啰，同我讲Merry Christmas咁就好足够。”