林盛斌第一份工月入6千变6万　IG发长文细说致富之道　

艺人林盛斌（Bob）在大大小小的节目上会看见他做主持人，而他的工作主要是主持之外，会拍电影、电视剧、广告，甚至于唱歌他也会表演一下，当然他常常笑言自己不是职业歌手。除了这些工作，他更是《棋人娱乐制作有限公司》的老板，可说他是名多功能艺人，吸金能力相当强。

娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。

今天（17日）他突然在IG有感而发，主要是说他入行多年，由第一份工作到现在为何能有现在的成就，他说：“我人生第一份工，就系喺电台做Sales。 当年我嘅销售成绩，今日回想返，算唔错，由起初底薪六七千蚊，只系短短半年时间，到我离职嘅时候差唔多出紧六七万一个月，以一个啱啱大学毕业出嚟做嘢嘅死𡃁仔嚟讲，直头系好似人生大赢家咁！点解我可以做到？因为我好明白一个道理：我唔系打紧一份工，我系经营紧我嘅生意，如果你只系当一份工，你得到嘅只系人工。如果你当系自己生意，你得到嘅就系利润同回报。当你好重视你盘生意，觉得间公司你都有份嘅时候，你嘅目标、你嘅心态、你嘅想法、你嘅行为，同 ‘只系当自己打份工’会有好大嘅分别。而呢个分别，经过一段日子，就会带嚟好唔同嘅结果。所以恳请在座各位，无论你系做紧任何范畴嘅工作，千祈千祈，唔好再当自己只系打份工，你要相信你系经营一盘你都有份嘅生意，日后你所得到嘅，将会超乎你想像咁多！”Bob希望透过这个分享可以为大家带来少少激励。

Bob接受《香港01》访问时候透露当初月赚6-7万时候其实是用时间换取，他说：“当时做电台sales嘅时候，自己都真系好努力工作，每日最早返工睇报纸杂志广告，准备call客，出去见完客就做proposal做到半夜，每日都系咁，因为当时我真系当咗间公司好似自己有份咁做，自然会更俾心机同尽力做好每件事，付出系有回报嘅，大约半年至九个月左右，底薪加佣金差唔多有六七万蚊一个月，以当时一个啱啱大学毕业生第一份工嚟讲，系几精神㗎。”

努力工作是有回报，Bob毕业时候是为了做DJ，但由于当时并没有空缺，便做电台Sales“顶住先”，那时候Sales并不是他理想做的工作，但是Sales胜在薪酬高，再加上一个原因，他说：“我当时屋企环境唔算太好，做sales可以揾多d钱，所以决定努力做好佢！一路做sales嘅时候，都有好多DJ同Sales同事同我讲，话我性格同行为表现好啱做节目部，而当时我见到班DJ喺直播室吹吓水、播吓歌咁又收几皮嘢一个月，我就做到只蟹咁又系揾咁多，另外屋企个经济情况又冇之前咁严峻，再加上咁啱有节目部同事离职有空缺，我就同当时台长锐哥讲想试吓转部门，佢都叫我谂清楚，因为转过去做节目助理，人工得返八千蚊一个月，我谂咗一晚，就决定咗！”就系呢一个决定令到Bob先有依家嘅成就，唔少人都羡慕佢嘅成就。

睇更多阿Bob接触唔同工作成致富之道的相片！