黎耀祥炮轰网民批评无线冇良心　邓萃雯：唔聆听改进就系老化！

娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。

邓萃雯（雯女）今日（16/12）以宣传大使身份出席在何文田举行的“长者安居日”一线通平安钟启动仪式，借此提醒市民大众多加留意及关心长者的生活需要。Sheren表示：“自己曾经试过想安装平安钟，因为𠮶次喺屋企冲凉嘅时候差啲滑到，𠮶一刻啲危机意识话俾自己知，如果万人出咗意外失救咪死，𠮶一刻系我第一次谂安装平安钟。”

提到好友祥仔（黎耀祥）早前接《香港01》专访时炮轰经常批评无线的网民无良心。雯女坦言：“我冇睇话佢嘅访问，我好难去评论，不过我觉得每个人嘅品味及价值观都唔一样，其实唔同嘅年龄层对佢哋认识嘅嘢剧本，可能连我都觉得好唔合理，但有啲人又会觉得好精彩，所以我觉得好难用自己嘅睇法去界定别人嘅睇法。”

【专访】黎耀祥为无线抱不平：好多人觉得踩低TVB就系知识份子

（聆听不同声音，是否对作制有帮助？）雯女直言：“聆听系一定需要，其实又返去个‘老’字喇，一唔聆听别人唔改进，就系老化，呢个系我长时间去提自己，所以我觉得听负面嘅嘢，唔需要觉得佢系批评紧自己，反而系攞嚟改善更加好嘅意见，我觉得咁系一个正面嘅睇法，因为唔同年龄层有唔同嘅需要，因为始终我想拍啲乜，大家唔钟意睇都冇用，我觉得作为免费电视台机构，亦应该有一个社会良心，系需要去拍一啲正确价值观嘅题材，有啲正确嘅嘢系需要坚持。”