花心王吴浩康伤尽前度心　曾被爆背钟舒漫跟6女子密会

撰文： 邝钰莹
出版：更新：

娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。

吴浩康可能系娱乐圈中宣布分手次数最多嘅艺人。(IG图片)

吴浩康出道多年，战绩最彪炳嘅一定系佢嘅情史而非歌唱事业，除数之不尽嘅𡃁模之外，视后胡定欣、挛都拗返直嘅庄思敏都曾经同吴浩康有过一段情，不过，最经典嘅一定系背住未婚妻钟舒漫，喺一个月内连追六个女仔……

胡定欣当年对吴浩康不离不弃，可惜最后因男方劈腿收场。（VCG）

胡定欣99年参加《全球华人新秀歌唱大赛》时与同系参赛耆嘅吴浩康认识，二人之后秘密拍拖，直到04年公开恋情，虽然当年嘅吴浩康有藏毒同打人嘅前科，但胡定欣一直对佢不离不弃，直到06年吴浩康因搭上庄思敏而令恋情告终。

庄思敏早年曾在书中暗指吴浩康系佢首位男性恋人，并提到两人亲热前，对方以“试咗唔得至推开我”鼓励佢接受男性。（VCG)

曾自爆系les（女同性恋）的庄思敏，08年突然恋上吴浩康，为配合庄思敏拿督女嘅身份，拍拖期间，吴浩康积极教打拳又做保险，努力储钱结婚。可惜喺2011年，庄思敏宣告分手，并强调唔关与第三者无关。其后除有报导指指系因为同吴浩康沉迷药物有关之外，亦有指零收入嘅吴浩康需要女友帮手还卡数，事后庄思敏承认曾借钱予吴浩康。

吴浩康于2013年与同公司嘅钟舒漫拍拖，经常以情侣档出席活动，吴浩康为了尊重女友信仰，更收心养性并戒烟戒酒，改为玩买𩠌玩煮饭仔，不过就喺二人去到谈婚论嫁嘅阶段时，吴浩康被发现一个月内先后与6名女子密会，当中更与富贵模Yvette于街头拖手激吻。喺有图有真相嘅情况下，钟舒漫心伤透宣布分。

庄思敏曾透露自己与胡定欣在将军澳电视广播城同Lift时，遭对方辱骂“你都系着我旧鞋咋，八婆”。（IG@jacquelinchng）
尽管钟舒漫被吴浩康hurt爆，但分手后竟然可以做返朋友。（IG图片)

喺揹负著“世纪贱男”嘅情况下，吴浩康继续有女埋身，2016年搭上酒楼太子女李昭南（Michelle），惟拍拖两年宣布分手，男方于网上发文表示依佞不舍，不过一年都唔够，就已经恋上崔碧珈。“不舍”、“道歉”对于吴浩康嚟讲，如同打招呼一样，讲完唔需要负任何责任。

点击下图睇下吴浩康拖过几多女!!

+15